+VIDEO: Tazama Yanga Ilivyowaandalia ‘Kilio’ Prisons

0
381

TIMU ya Yanga imetumia muda mwingi kufanya mazoezi ya kupiga mipira ya adhabu ndogo katika maandalizi ya mechi ya robo fainali ya kombe la FA dhidi ya Tanzania Prisons yaliyofanyika kwenye uwanja wa Taifa asubuhi ya leo.

Baada ya kumaliza sehemu ya kwanza ya mazoezi ambayo ni kukimbia ili kupasha misuli walitumia zaidi ya dakika 30 kwa kufanya mazoezi ya kupiga mipira ya adhabu na kona huku wakiwapanga vizuri mabeki kwenye kuokoa hatari hizo.

Kocha George Lwandamina na wasaidizi wake walikuwa wakiwaelekeza jinsi ya kupiga mipira hiyo ambapo Simon Msuva na Hassan Kessy walikuwa wakipiga kwa upande wa kulia huku mabeki Hajji Mwinyi na Oscar Joshua wakipiga upande wa kushoto pamoja na kona. Haruna Niyonzima, Juma Abdul na Thaban Kamusoko walipewa jukumu la kupiga adhabu ndogo katika eneo la kati ya uwanja na nje ya 18.

Akizungumza baada ya kumaliza mazoezi hayo kocha msaidizi wa Yanga Juma Mwambusi alisema wameyasahau matokeo ya kufungwa mabao 4-0 na MC Alger kwenye kombe la Shirikisho na pia wanawaheshimu Prisons na hawatatumia historia ya michezo iliyopita bali watajipanga na dakika 90 za mchezo wa kesho utaofanyika katika uwanja huo.

“Hatutacheza kwa historia, tumejipanga kwa dakika 90 za kesho na Prisons tunawaheshimu ni timu kongwe tutaingia uwanjani kwa tahadhari zote kikubwa tunahitaji ushindi,” alisema Mwambusi.

Mwambusi alisema kwenye mchezo wa kesho watawakosa beki Vincent Bossou aliyeumia jana mazoezini na mshambuliaji Donald Ngoma aliyejitonesha jeraha lake la mguu.

LEAVE A REPLY

Please enter your comment!
Please enter your name here